Baturik neska-mutilak bila dabil Trapagarango merkataritzaren aldeko kanpaina egiteko
Baturik tokiko merkataritzari bultzatzeko eta kontzientziatzeko kanpaina bat prestatzen ari da, Trapagarango txikienak protagonista izango dituena. Horretarako, Baturik elkarteko kide diren establezimenduek dei egiten dute udalerriko 5 eta 8 urte bitarteko neska-mutileri kanpainan parte har dezaten.
Parte hartzeko, Baturik izena emateko hainbat bide irekitzen ditu: kanpainan parte hartu nahi duen adingabearen aitak, amak edo tutoreak egin beharko du, baturiktrapagaran@gmail.com helbidera mezu bat idatziz edo 664 53 07 87 zenbakira WhatsApp bat idatziz.
Kanpaina Baturik Trapagaranek aurrera daraman “Nik Trapagaran- HEMEN GUREAK!! TRAPAGARAN BIZIA NAHI DUGU” ekimenaren barruan kokatzen da. Bertan eta azken urteetan bezeroek, merkatari-ostalariek eta era guztietako establezimenduetako arduradunek, kaleko pertsonek… parte hartu dute. Oraingoan, Baturik elkarteko enpresek Trapagarango txikiengan fokua jartzearen garrantzia ikusi dute.
Amaitzeko, azpimarratu behar da ekintza honek Eusko Jaurlaritzako Merkataritza Sailaren laguntza duela, Hirigune programaren bidez.
